الارنب مشمش
كان فيه مرة ارنوب جميل اسمه مشمش كان بيحب ياكل الجزر وبيحب يلعب في الحديقة وفي يوم من الايام مامته قالتله يا مشمش يا حبيبي قالها نعم ياماما قالتله خد جنيه وروح هات خس وجزرمن السوق عشان اعمل الغداء قالها حاضر ياماما
وخرج الارنوب مشمش راح السوق وهو في طريقه للسوق قابل ارنوب صاحبه اسمه سمسم
فسلم عليه سمسم قال لارنوب انت رايح فين يا مشمش
مشمش قاله انا رايح السوق اجيب خس وجزر لماما عشان تعمل الغداء
سمسم قاله انا رايح اشتري شيكولاته ايه رايك ما تيجي تشتري شيكولاته معايا
قاله لا انا مش معايا غير فلوس الخس والجزر
قاله لا هات بفلوس الخس والجزر وقول لمامتك انها وقعت منك
وقعد يفكر مشمش كتيييييير ويقول لسمسم لاااااا ماما هتزعل
قاله وهي مامتك هتعرف منين ؟؟؟؟؟ تعالي بس
وفعلا يا حبايبي سمع مشمش كلام الارنوب سمسم الوحش وراح معاه
وجاب بفلوس الخس والجزر شيكولاته
وروح مشمش لمامته وقالها ياماما فلوس الخس والجزر وقعت مني هاتي فلوس تاني عشان اجيب ماما قالتله ليه كده يا حبيبي مش تاخد بالك واديته جنيه تاني راح جاب بيه خس وجزر وماما طبخت الخس والجزر واتغدي مشمش ومامته وباباه وبعد شوية ماما سمعت صوت مشمش بيعيط وبيصرخ راحت ليه بسرعة وقالتله مالك يا مشمش قالها اسناني يا ماما بتوجعني اوووووووووووووي ياماما الحقيني فمامة مشمش اخدته لدكتور الاسنان بسرعة دكتور الاسنان لما شاف مشمش قاله انت اكلت ايه النهاردة يامشمش
مامة مشمش قالتله اكل خس وجزر بس يادكتور
قالها لا مشمش اكل شيكولاته فيه شيكولاته في اسنانه
مامة مشمش قالتله لا يادكتور هو اكل خس وجزر بس
فمشمش حط وشه في الارض واتكسف جدا وقال لمامته انا فعلا اكلت شيكولاته ياماما وكدبت عليكي
وقلتلك ان الفلوس وقعت مني واناجبت بيها شيكولاته ومقلتلكيش
قالتله ليه كده يامشمش ليه بتكدب
والدكتور ادي لمشمش حقنة كببييييييييييييرة عشان تشيل الوجع
ومشمش قعد يعيط كتييييييير وقاله لمامته سامحيني ياماما انا كدبت
عليكي انا مش هعمل كده تاني
مامته قالتله شوفت الا بيكدب بيحصله ايه بلاش تكدب تاني عليا لان الكداب ده ربنا مش بيحبه ومش بيدخل الجنة بيقعد بره الجنة قالها خلاص مش هكدب تاني
الرجوع الى المكتبة